Tımýr Súleımenov ınflıatsııa boljamdaryn ýshyqtyrǵan sebepter týraly aıtty
ASTANA. KAZINFORM – Ulttyq bank tóraǵasy Tımýr Súleımenov Úkimettiń keńeıtilgen otyrysynda 2025 jyly ınflıatsııa ekonomıkanyń negizgi syn-qateri bolǵanyn aıtty.
- Inflıatsııa ekonomıkamyzdyń negizgi syn-qaterine aınaldy. Ótken jyldyń qyrkúıek aıyndaǵy baǵalardyń 12,9 protsenttik maksımýmnan ótip, ınflıatsııany jyl sońyna 12,3 protsentke deıin baıaýlattyq, - degen Tımýr Súleımenov álemdegi baǵalardyń ósýi men geosaıası belgisizdik eldegi ınflıatsııany ýshyqtyrǵanyn atap ótti.
Sondaı-aq, ol ekonomıkany bıýdjet pen kvazımemlekettik sektor arqyly yntalandyrý, tutyný nesıesiniń ósýi baǵanyń ósýine áser etken negizgi ishki faktorlar bolǵanyn aıtty.
- Inflıatsııaǵa kommýnaldyq tarıfter men janar-jaǵarmaı baǵasynyń ósýi áser etti. Qosymsha qun salyǵynyń kóterilýinen ınflıatsııalyq kútýler de ósti, - dedi Ulttyq bank basshysy.
Aıta keteıik, búgin Memleket basshysy Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótip jatyr.
