QQS mólsherlemesi 16% bolsa, páter baǵasy 3-4% ósedi — Azamat Ámrın

ASTANA. KAZINFORM — Ulttyq ekonomıka mınıstriniń orynbasary Azamat Ámrın Májilis otyrysynan keıin ótken baspasóz máslıhatynda QQS mólsherlemesi 16 paıyz bolsa, páter baǵasy qalaı ózgeretinin aıtty.

Азамат Әмрин
Фото: Үкіметтің баспасөз қызметі

— Infraqurylym alymy týraly másele áli talqylanyp jatyr. Naqty sheshim joq. Biraq meniń kózqarasym boıynsha, QQS salý durys. Nege olaı ekenin túsindireıin. Qarańyz, 2023 jyly jalpy ishki ónim kólemi 135 trln teńge boldy. Onyń ishinde kóleńkeli ekonomıka deńgeıi 17,5 paıyz dep aıtyldy. Sonda kóleńkeli ekonomıkanyń kólemi aqshaǵa shaqqanda 20 trln teńge degen sóz. Endi osynyń qurylymyn qarasaq, eń úlken kólemder birinshi kezekte kóterme jáne bólshek saýdada kezdesedi. Ekinshi orynda aýyl sharýashylyǵy, úshinshi qurylys, tórtinshi densaýlyq saqtaý jáne besinshi bilim berý salasy, — dedi vıtse-mınıstr.

Sondaı-aq, ol qurylys salasy nege nazarǵa ilinip otyrǵanyna jeke toqtaldy.

— Qazir turǵyn úı salýshylar páterdi satqanda QQS tólemeıdi. Ol qurylys materıaldaryn ózgelerden satyp alady. Sonyń bári QQS-tan bosatylǵan. Sáıkesinshe satylǵan páterge de QQS salynbaıdy. Onyń bári kóleńkede degen sóz. Endi turǵyn úı salýshy materıal satyp alǵan tizbegin qosylǵan qun salyǵyna engizbese, aınalymyna baılanysty 16% QQS tóleýi kerek bolady. Esepter jasaldy. Inflıatsııa 3 paıyz tóńireginde ósedi dep aıttyq. Baǵa sózsiz ósedi. ıAǵnı, páter baǵasy da osy ınflıatsııa deńgeıinde ósýi múmkin. Qazir QQS joq bolsa da páter baǵasy ótip jatyr. Olar baǵasy kóterilip edi, baǵa ósip shyǵa keldi, — dedi Azamat Ámrın.

Atalǵan kezdesýlerde QQS 16% bolsa, áleýmettik salyq pen zeınetaqy jarnalaryn tóleý ózgerissiz qalatyny aıtylǵan bolatyn.

Сейчас читают