QQS shegin 15 mln teńgege tómendetýdi usynamyz – Serik Jumanǵarın
ASTANA. KAZINFORM – Premer-mınıstrdiń orynbasary - Ulttyq ekonomıka mınıstri Serik Jumanǵarın Úkimet otyrysynda qosylǵan qun salyǵyn saralap retteýdiń basty jańashyldyqtaryn tanystyrdy.
- Búginde kásiporyndardyń tek 4 paıyzy ǵana qosylǵan qun salyǵyn tólep otyr. Kóptegen kompanııa salyqtan jaltarý úshin sanaly túrde bıznesin bytyratyp tastaǵan. Bul salyq júıesin búldirip, QQS-ti qalypty esepteýge kedergi keltiredi. Sondyqtan QQS esebine alýdyń eń tómengi shegin 80 mln teńgeden 15 mln teńgege deıin tómendetýdi usynamyz, - dedi vıtse-premer.
Sondaı-aq, ol keleshekte salyq tóleýden jaltarmaı, adal jumys isteý bıznesti ydyratý shyǵyndarynan tómen bolatyndaı jaǵdaı jasalatynyn atap ótti.
- Bul bızneske teńgerimdi jaǵdaı týyndatyp, salyqtan jaltarý shemalarynyń jolyn kesedi, - degen Serik Jumanǵarın bul máselede halyqaralyq tájirıbe basshylyqqa alynǵanyn aıtty.
Eske salsaq, keshe Úkimet QQS-ny saralap engizýdiń jańa sharttaryn jarııalaǵan bolatyn.