KKM: Kún tártibinde - Azıadaǵa daıyndyq
ANA. 26 qańtar. QazAqparat - Keshe QR Kólik jáne kommýnıkatsııa mınıstri Ábilǵazy Qusaıynov 7-Qysqy Azıada oıyndaryna kólik nysandarynyń daıyndyǵy jóninde lezdeme jınalys ótkizdi.
Oǵan qajetti barlyq memlekettik organdardyń, sonyń ishinde, QR Tótenshe jaǵdaılar mınıstrliginiń, QR Týrızm jáne sport mınıstrliginiń, QR Bas prokýratýrasynyń jáne QR Ulttyq qaýipsizdik komıtetiniń ókilderi qatysty, dep habarlady atalmysh vedomostvonyń baspasóz qyzmeti.
Májilis barysynda Reseı Federatsııasynyń Domodedovo áýejaıynda bolǵan qaıǵyly oqıǵaǵa baılanysty kólik nysandarynda qaýipsizdik sharalarynyń kúsheıtilý qajettiligine basa nazar aýdaryldy.
Kólik vedomstvosy basshysynyń aıtýynsha, ótken jyldyń jeltoqsan aıynda ótken Astana sammıtin esepke ala otyryp, qazirgi tańda elimizdiń basty kólik toǵysy bolyp tabylatyn Astana jáne Almaty qalalaryndaǵy áýejaılar men temir jol vokzaldary Azıada qonaqtaryn qarsy alýǵa daıyn. Qaýipsizdikti qamtamasyz etý sharalary tek Azıada kúnderinde ǵana emes, basqa ýaqyttarda da qolǵa alynady. Dálirek aıtqanda, jolaýshylardyń kelip-ketýin baqylaýdy kúsheıtý aımaqtaryn belgileý, qosymsha baqylaý kameralaryn jáne júkterdi tekserý qurylǵylaryn ornatý boıynsha is-sharalar júzege asyryldy.
