KKM qalaaralyq jáne halyqaarlyq qońyraýlarǵa tarıfti azaıtý týraly bastama kóterdi
ASTANA. 21 maýsym. QazAqparat - QR Kólik jáne kommýnıkatsııa mınıstrligi qalaaralyq jáne halyqaralyq qońyraý shalýlarǵa tarıfıkatsııa birligin azaıtý týraly kezekti ret bastama kóterdi. Bul týraly mınıstrliktiń baspasóz qyzmetinen habarlandy.
«Aǵymdaǵy jyldyń 1 shildesinen bastap QR Kólik jáne kommýnıkatsııa mınıstrliginiń bastamasymen qalalyq (aýyldyq) telefonnan halyqaralyq jáne uıaly baılanys operatorlarynyń abonentterine qońyraý shalý birliginiń ólshemi 10 sekýndtan 1 sekýndqa deıin tómendedi. Buryn qalalyq telefonnan halyqaralyq baǵytqa qońyraý shalý birligi 30 sekýndty qurap, abonent telefon arqyly sóılesken 31 sekýndtyń ornyna 1 mınýttyń aqshasyn tóleıtin. Atalǵan tarıfteý birliginiń tómendeýi IP-telefonııa operatorlary úshin de júrgiziledi», - delingen baspasóz baıanynda.
Eske salsaq, tarıfteý birliginiń alǵashqy tómendeýi 2011 jyly QR Baılanys jáne aqparat mınıstrliginiń bastamasymen júzege asyrylǵan bolatyn. Ol kezde uıaly baılanys abonentteri úshin jeli ishinde jáne basqa jelige qońyraý shalý tarıfiniń birligi 1 sekýnd mólsherinde bekitildi. Sonymen birge, uıaly baılanys operatorlarynyń abonentterine shalynǵan qońyraýdy qosý úshin bekitilgen tólemaqy alynyp tastaldy.
Anyqtama: Reseı, Ázirbaıjan, Tájikstan jáne Belarýs elderinde uıaly baılanys operatorlary úshin qońyraý shalýlardyń tarıf birliginiń ólshemi memleket ishinde 10 sekýndtan 60 sekýndqa deıingi aralyqty qurap otyr.
Ýkraınada uıaly baılanys operatorlarynyń abonentterinen halyqaralyq qońyraýlarǵa belgilengen bazalyq tarıfpen qatar, qońyraýdy qosqany úshin de tólemaqy alynady. Belorýs, Ózbekstan, Reseı, Qyrǵyzstan, AQSh, Ulybrıtanııa elderinde belgilengen baılanys abonentterinen (qalalyq nómirler) qalaaralyq jáne halyqaralyq baǵyttarǵa shalynǵan qońyraýlardyń tarıftik birlik ólshemi 60 sekýndty quraıdy.
