KQK jasalǵan dron shabýyly: shyǵyndy kim óteıdi

ASTANA. KAZINFORM – Kaspıı qubyry konsortsıýmyna kelgen shyǵyn kásiporynnyń óz esebinen ótelip jatyr. Bul týraly Energetıka mınıstri Almasadam Sátqalıev málim etti.

- Dıplomatııalyq arna arqyly qalpyna keltirý máseleleri boıynsha konsýltatsııa júrgizildi. Qazirgi ýaqytta shyǵyndy óteý jumystary kásiporynnyń óz esebinen júrgizilip jatyr, - dedi Almasadam Sátqalıev vedomstvonyń keńeıtilgen alqa otyrysynan keıin ótken baspasóz máslıhatynda. 

Sondaı-aq mınıstr konsýltatsııalyq jumysqa, ıaǵnı KQK-ǵa kelgen shyǵyndy anyqtaýǵa qazaqstandyq mamandardyń da qatysqanyn aıtty. 

- Jalpy, kásiporynnyń zaqymdanýy týraly esep usynyldy, ol qazaqstandyq tarap jáne aktsıonerlermen kelisildi. KQK-nyń turaqty jumysyn qamtamasyz etý úshin shamamen 1 mıllıon tonna munaı saqtaıtyn iri rezervýar bar. Búginde qazaqstandyq munaıdy qabyldaý shekteýsiz júrip jatyr, ol úshin birqatar sheshim qabyldandy. Júk tıeý belgilengen ýaqytta, al tankerlerdi toltyrý bekitilgen keste boıynsha júzege asyrylyp jatyr, - deıdi ol. 

Buǵan deıin Qazaqstannyń Syrtqy ister mınıstrligi Kaspıı qubyr konsortsıýmynyń munaı aıdaý stansasyna jasalǵan dron shabýylyna qatysty Ýkraınamen talqylanatyny týraly málimdegen edi. 

Aıta ketsek, 17 aqpanda Kaspıı qubyry konsortsıýmyna dronmen shabýyl jasaldy.