KQK jasalǵan dron shabýyly: Qazaqstan máseleni Ýkraınamen talqylaıdy
ASTANA. KAZINFORM — Qazaqstannyń Syrtqy ister mınıstrligi Kaspıı qubyr konsortsıýmynyń munaı aıdaý stansasyna jasalǵan dron shabýylyna qatysty túsinik berdi.
— Qazaqstan ekonomıkasy úshin óte mańyzdy másele jáne biz árıne bul jaǵdaıdy ýkraınalyq seriktesterimizben dıplomatııalyq arnalar arqyly talqylaıtyn bolamyz, — dedi Syrtqy ister mınıstrliginiń resmı ókili Aıbek Smadııarov agenttik tilshisimen uıaly telefonmen habarlasý arqyly.
Aıta ketsek, 17 aqpanda Kaspıı qubyr konsortsıýmynyń «Kropotkınskaıa» munaı aıdaý stansasyna dronmen shabýyl jasaldy.
Osydan keıin elimizdiń Energetıka mınıstrligi Qazaqstan munaıy úshin KQK tarapynan esh shekteý joqtyǵyn, munaıdy qabyldaý shtattyq rejımde júzege asyrylyp jatqanyn málimdegen edi.
Alaıda, reseılik «Transneft» kompanııasynyń resmı saıtynda búgin jarııalanǵan aqparatta Qazaqstan tarapynan munaı aıdaý kóleminiń qysqarýy múmkin ekendigi aıtylady.
Keıin azamattyq nysandaryna shabýyl jasaý faktisi boıynsha qylmystyq is qozǵaldy.
Keshe Energetıka mınıstrligi Kaspıı qubyr konsortsıýmy arqyly munaı aıdaýda shekteý joqtyǵyn jetkizdi.