KQK teńiz termınalynda munaıdy aýystyryp tıeý qaıta bastaldy
Búgin Kaspıı qubyr konsortsıýmynyń Qara teńiz jaǵalaýyndaǵy termınalynda munaıdy aýystyryp tıeý qalpyna keltirildi, dep habarlaıdy Kazinform.
Konsortsıýmnyń telegram arnasynda habarlanǵandaı, keshe, 16 qańtarda teńiz termınalynda munaıdy aýystyryp tıeý toqtatylǵan. Buǵan aýa raıynyń qolaısyzdyǵy sebep bolǵan.
«Aýa raıynyń qolaısyzdyǵy teńiz termınalynyń aımaǵynda munaıdy aýystyryp tıeýdi toqtatýǵa májbúr etti. Shıkizat qoımalarynda qordyń tolyq bolýyna baılanysty júk jóneltýshilerden munaı qabyldaý toqtatyldy» dep habarlaǵan edi konsortsıýmnyń baspasóz qyzmeti.
Al, búgin, 17 qańtarda munaı qubyryn paıdalan, munaıdy aýystyryp tıeý qalpyna keltirilgen.
«Aýa raıynyń jaqsarǵany Kaspıı qubyr konsortsıýmyna 2024 jylǵy 17 qańtarda teńiz termınalynyń jumysyn qalpyna keltirýge múmkindik berdi. Júk jóneltýshilerden munaı qabyldanyp jatyr» dep málim etti baspasóz qyzmetinen.
Qazir Qara teńiz jaǵalaýyndaǵy termınal men «Teńiz-Novorossıısk» munaı qubyry shtattyq rejımde jumys istep tur
Eske sala ketelik, budan buryn «Teńiz-Novorossıısk» qubyrymen munaı tasymaldaý úsh kúnge nege toqtatylǵanyn habarlaǵan bolatynbyz.
