KQK Teńiz termınalynda 1 aıda rekordtyq munaı tıeldi

ASTANA. QazAqparat  2017 jylǵy naýryz aıynyń qorytyndysy boıynsha Kaspıı qubyry konsortsıýmnyń Teńiz termınalynda 4 929 486 tonna munaı (38 990 365 barrel) tıeldi, dep habarlaıdy QazAqparat.

«Bul Teńiz-Novorossıısk munaı tasymaldaý júıesin paıdalaný tarıhynda bir aı ishinde tıelgen rekordtyq kólem. Jyl basynan beri 13 014 080 tonna munaı (102 883 780 barrel) tıelip, jóneltilgen», - delingen konsortsıým baspasóz qyzmeti taratqan aqparatta.

Aıta keterligi, munyń aldyndaǵy rekord 2016 jylǵy jeltoqsanynda ornatylǵan. Onda bir aıda tankerlerge 4 517 286 tonna (35 729 373 barrel) munaı tıelgen.

Jalpy, konsortsıýmnyń búkil tarıhynda Teńiz termınalynan 4,5 myńnan astam munaı quıýǵa arnalǵan keme tıelgen.  Olarǵa 480 mln tonna munaı tıelip, eksportqa jóneltilgen.