KQK qańtar-sáýir aılarynda munaı eksportyn 1,4% arttyrdy

NUR-SULTAN. QazAqparat - Kaspıı qubyr konsortsıýmy (KQK) 2019 jyldyń qańtarynan sáýirge deıin 20,306 mln tonna munaı eksporttady. Bul 2018 jyldyń osy kezeńimen salystyrǵanda 1,45% artyq, dep habarlaıdy QazAqparat tilshisi KQK derekterine silteme jasap.

Bıyl sáýirde munaı eksporttaý kólemi 4,13 mln tonna boldy (byltyrǵy kórsetkish - 5,068 mln tonna).

Aıta keteıik, KQK 2018 jyly 61,084 mln tonna, ıaǵnı 2017 jylǵydan 10,8%-ke artyq munaıdy eksportqa jibergen.

Kaspıı qubyr jelisi konsortsıýmy Reseı aýmaǵy arqyly qazaqstandyq munaıdy eksporttaýǵa jáne qubyr qurylysy úshin bekitilgen. KQK qashyqtyǵy 1,5 myń shaqyrymdy quraıtyn «Teńiz-Novorossıısk» munaı qubyryna ıe. Ol Qazaqstannyń batysyndaǵy ken oryndaryn Reseıdegi Qara teńiz jaǵalaýymen baılanystyrady.

KQK aktsıonerleri: Reseı (Transneft - 24% jáne KTK Kompanı - 7 %) - 31%; Qazaqstan (Qazmunaıgaz - 19% jáne Kazakhstan Pipeline Ventures LLC - 1,75%) - 20,75%; Chevron Caspian Pipeline Consortium Company - 15%; LUKARCO B.V. - 12,5%; Mobil Caspian Pipeline Company - 7,5%; Rosneft-Shell Caspian Ventures Limited - 7,5%; BG Overseas Holding Limited - 2%; Eni International N.A. N.V. - 2% jáne Oryx Caspian Pipeline LLC - 1,75%.