KQK azamattyq nysandaryna shabýyl jasaý faktisi boıynsha qylmystyq is qozǵaldy

ASTANA. KAZINFORM – Reseı Tergeý komıteti Kaspıı qubyr konsortsıýmynyń azamattyq nysandaryna jasalǵan shabýyl faktisi boıynsha qylmystyq is qozǵady. Bul jaıynda konsortsıýmnyń resmı saıtynda jarııalanǵan aqparatta aıtylǵan.

- Reseı Federatsııasy Tergeý komıtetiniń Bas tergeý basqarmasy 2025 jyldyń 17 aqpanynda RF Qylmystyq kodeksi 205-baby 2-tarmaǵy “a”, “v” tarmaqshalarynda kózdelgen qylmys belgileri boıynsha qylmystyq is qozǵaý týraly qaýly shyǵardy. Іs Ýkraına QM Bas barlaý basqarmasynyń, Ýkraına Qarýly kúshteriniń jáne Ýkraınanyń ózderiniń baqylaýyndaǵy aýmaǵynda júrgen ózge de áskerı qurylymdardyń áskerı qyzmetshilerine qarsy qozǵaldy. Olar qylmystyq buıryqty oryndap, ushqyshsyz ushatyn apparattardy qoldaný arqyly azamattyq ınfraqurylym nysandaryna shabýyl jasady, - delingen kompanııa taratqan aqparatta.

Keshe Kaspıı qubyr konsortsıýmynyń «Kropotkınskaıa» munaı aıdaý stansasyna ushqyshsyz ushatyn apparatpen shabýyl jasaldy. 

Osydan keıin elimizdiń Energetıka mınıstrligi Qazaqstan munaıy úshin KQK tarapynan esh shekteý joqtyǵyn, munaıdy qabyldaý shtattyq rejımde júzege asyrylyp jatqanyn málimdegen edi.

Alaıda, reseılik «Transneft» kompanııasynyń resmı saıtynda búgin jarııalanǵan aqparatta Qazaqstan tarapynan munaı aıdaý kóleminiń qysqarýy múmkin ekendigi aıtylady.