KQK arqyly munaı turaqty eksporttalyp jatyr — Mınıstrlik
ASTANA. KAZINFORM — Energetıka vıtse-mınıstri Suńǵat Esimhanov Kaspıı qubyr konsortsıýmyna drondar shabýylynan keıin qazaqstandyq munaı tasymaly qalaı júrip jatqanyn aıtyp berdi.
— Áriptesterimniń málimetinshe, barlyq munaı baǵyttary boıynsha jumys turaqty júrgizilip jatyr, KQK arqyly eksport ta qalypty túrde jalǵasýda. Sondyqtan áriptester bul aqparatty qosymsha naqtylap, sizderge tolyq málimet beredi dep oılaımyn, — dedi vıtse-mınıstr Úkimet úıinde ótken brıfıngte.
Eske sala ketsek, 5 sáýir kúni Reseıdiń Qara teńizdegi eń iri munaı termınaldarynyń birinde dron shabýyly saldarynan órt boldy. Krasnodar ólkesiniń gýbernatory Venıamın Kondratevtiń aıtýynsha, ushqyshsyz apparat synyqtary birneshe kásiporyn aýmaǵynan tabylǵan.
Keıin Energetıka mınıstrligi magıstraldyq munaı qubyrlary júıesi arqyly qazaqstandyq munaıdy qabyldaý men tasymaldaý qalypty júrgizilip jatqanyn málimdedi. Eksport josparlary belgilengen kestege sáıkes oryndalyp jatyr.
Buǵan deıin Suńǵat Esimhanov eldegi janarmaı baǵasy qalaı ózgeretinin aıtyp bergen edi.
