KQK arqyly Qazaqstan munaıy tasymaldaý qalypty rejımde júrip jatyr

ASTANA. KAZINFORM — Novorossııskide Qazaqstan munaıyn tasymaldaý jumysy qalypty rejımde júzege asyrylyp jatyr. Bul týraly Energetıka vıtse-mınıstri Erlan Aqbarov málim etti. 

Aıta keteıik, ótken túnde drondardyń soqqysy saldarynan Novorossıısk mańyndaǵy Kaspıı qubyr konsortsıýmy teńiz termınalynyń ákimshilik ǵımaraty zaqymdandy.

Bul turǵyda vıtse-mınıstr munaı tasymalyna qatysty negizgi jeliniń jumysy qalypty ekenin aıtty.

— Qazir barlyq júıe turaqty rejımde jumys istep tur, — dedi Erlan Aqbarov Parlament Májilisinde tilshiler suraǵyna jaýap bere otyryp.

Eske salsaq, bıyl 14 qarashada Qazaqstannyń Energetıka mınıstrligi Novorossıısk portyndaǵy munaı termınalyndaǵy jaǵdaıǵa túsinik bergen edi. Sol kezde drondardyń shabýyly saldarynan «Shesharıs» keshenindegi munaı bazasy zaqymdanǵany málim boldy.

Oǵan qaramastan, «Atyraý — Samara» jáne «Aqtaý — Mahachkala» baǵyttary boıynsha qazaqstandyq munaıdy qabyldaý jáne tasymaldaý shtattyq rejımde júzege asyryldy.