QKHP óz kandıdatyn qoldaý úshin sporttyq aktsııa ótkizdi

NUR-SULTAN. QazAqparat - Qazaqstannyń kommýnıstik halyq partııasy óz kandıdatyn qoldaý úshin Nur-Sultan qalasynyń ortalyq saıabaǵynda «Bolashaq bizden bastalady» atty aýqymdy aktsııa ótkizdi. Bul jóninde partııanyń baspasóz qyzmeti habarlady.

Shara sheńberinde salamatty ómir salty nasıhattalyp, júgirý marafony uıymdastyryldy.

Marafonǵa QKHP OK hatshysy, Parlament Májilisindegi «Halyq kommýnısteri» fraktsııasynyń-respýblıkalyq saılaýaldy shtabtyń jetekshisi Aıqyn Qońyrov bastaǵan partııa aktıvi, QKHP Qazaqstan Kommýnıstik Jastar odaǵynyń belsendileri, eriktiler men sportsúıer qaýym, QKHP atynan kezekten tys prezıdent saılaýyna qatysyp jatqan úmitker Jambyl Ahmetbekovtyń úgit-nasıhat toby men qala turǵyndary qatysty.

Júzden astam adam sap túzep, bir mezette jattyǵý jasady, urandady. Jappaı júgirýge qatysqan adamdar Qazaqstan Kommýnıstik Halyq partııasyna nazar aýdartyp, buqarany QKHP úmitkerin qoldaýǵa shaqyrdy.

Іs-shara barysynda ortalyq saıabaqta QKHP-nyń baıraǵy jelbirep, demalýshylarǵa úmitkerdiń bannerleri men plakattary kórsetildi. Úgit paraqtary taratylyp, saılaýaldy tuǵyrnama túsindirildi.