QKHP-nyń shtaby elektoraldyq naýqandy ótkizý kezinde zańnamany qatań túrde saqtaıtyn bolady - A.Qońyrov
ASTANA. QazAqparat - Búgin QR-daǵy saılaýdy baqylaý boıynsha Respýblıkalyq qoǵamdyq komıssııa músheleri Qazaqstan kommýnıstik halyq partııasynyń (QKHP) saılaýaldy shtabynda boldy.
Komıssııa músheleriniń delegatsııasyn SBRQK tóraǵasy N.Erimbetov, QKHP tarapynan - partııanyń respýblıkalyq saılaýaldy shtabynyń basshysy A.Qońyrov basqardy.
Kezdesý barysynda elektoraldyq naýqandy ótkizý máseleleri talqylandy. Partııanyń aımaqtyq fılıaldarynyń aldaǵy saılaýǵa daıyndyq jumystaryna jáne barlyq kezeńderde qoǵamdyq baqylaý júıesine erekshe kóńil bólingen.
Sondaı-aq SBRQK-nyń músheleri QKHP saılaýaldy shtabynyń jumysymen tanysyp ótti. Komıssııanyń tóraǵasy N.Erimbetov búginde elektoraldyq tsıkldyń zańnamaǵa tolyq sáıkes ótip jatqanyn atap ótti.
«Biz saılaý protsesiniń barlyq aspektileriniń úzdiksiz monıtorıngin júrgizip jatyrmyz. Saılaýǵa qatysy bar barlyq sýbektilerge qandaı da bir eskertýler jasalǵan joq. Qazirgi kezde biz barynsha ashyqtyqty qamtamasyz etý úshin Ortalyq saılaý komıssııasy, saıası partııalardyń saılaýaldy shtabtary, BAQ-pen ózara yqpaldastyqty nyǵaıtyp otyrmyz», - dep túsindirdi N.Erimbetov.
SBRQK tóraǵasy aǵymdaǵy saılaý protsesiniń zamanaýı Qazaqstannyń damýy úshin mańyzdylyǵyn erekshe atap ótti.
Qoǵamdyq qaıratkerler odan tys qalǵan joq. Daýys berý kúni bizdiń baıqaýshylarymyz eldiń árbir saılaý ýchaskesinde jumys isteıtin bolady. Óz tarapynan A.Qońyrov QKHP-nyń shtaby elektoraldyq naýqandy ótkizý kezinde zańnamanyń qatań túrde saqtalýyna baǵyttalyp otyrǵanyn atap ótti.
- Biz yntymaqtastyq pen dıalog úshin árqashan ashyqpyz. Halyq kommýnısteri táýelsiz qoǵamdyq baqylaý mehanızminiń aldaǵy saılaýdyń mańyzdy elementi bolyp tabylatynyna senimdi.
