QKFL fanattardyń agressııasyna qarsylyq bildirdi
ASTANA. QazAqparat - Qazaqstan kásipqoı fýtbol lıgasy Aqtóbe qalasynda ótken Qazaqstan Kýbogynyń fınalynan keıin oryn alǵan fýtbol fanattarynyń buzaqy áreketterin shekten shyqqandyq dep esepteıdi. Bul týraly QazAqparat lıganyń resmı saıtyna silteme jasap habarlaıdy.
«Jaqynda BAQ jáne áleýmettik jelilerde taratylǵan jankúıerdi uryp-soǵý vıdeosy buzaqylarda adamgershiliktiń joqtyǵyn dáleldeıdi. Fýtbol adamdar men aımaqtardy biriktirip, qoǵamdaǵy áleýmettik máselelerdi sheshýge kómektesý kerek» delingen lıganyń taratqan málimdemesinde.
QKFL Ákimshiligi Aqtóbe qalasyndaǵy fınalǵa qatysý úshin uzaq sapar jasaǵan "Qaırat" jáne "Atyraý" fýtbol klýbtarynyń jankúıerleriniń óz komandalaryn qoldaýdaǵy joǵary deńgeıin atap ótti.
QKFL-nyń bul oıy fınaldyq oıynǵa kelgen fýtbol súıer qaýymǵa Fınaldy ashý rásiminde kórsetildi - stadıonǵa múmkindigi shekteýli balalar shaqyryldy. Bizdiń oıymyzsha, fýtbol alańy jáne mańyzdy oıyndar - nazar aýdarý qajet qaýymǵa qoldaý kórsetýdiń qoǵamdaǵy platformasy.
Eske sala keteıik, Aqtóbede atyraýlyq fýtbol fanattaryn soqqyǵa jyǵyp, oıyn kezinde beıədep sózdi dronmen ushyrǵan adamdar izdestirilip jatqandyǵy týraly buǵan deıin habarlaǵan bolatynbyz.
