QQDI ákimdik jumysyn baǵalaý mehanızmin ońtaılandyrý úshin áleýmettik zertteý júrgizýge daıyn
Іs-sharany QR Aqparat jáne qoǵamdyq damý mınıstrliginiń qoldaýymen «Rýhanı jańǵyrý» qazaqstandyq qoǵamdyq damý ınstıtýty uıymdastyrdy.
«Memleket basshysy bıylǵy Joldaýynda aldyńǵy eki joldaýlardaǵy bastamaǵa negizdelgen ıdeıalardy jalǵastyra otyryp, óńirlik saıasat máseleleriniń keı suraqtaryn tolyqtyryp jáne keńeıtip otyr», - dedi Qazaqstandyq qoǵamdyq damý ınstıtýtynyń Basqarma tóraǵasy Asylbek Esenbaev.
A.Esenbaev óńirlerdiń bıýdjetterin qalyptastyrý kezinde shyǵyndardy baqylaý jáne qadaǵalaýda qoǵam ókilderin tartý qajet ekendigin atap ótti. «Bıýdjetke qatysý» aımaqtarda sátti synaqtan ótti, bul jergilikti ózin-ózi basqarýdy damytýdaǵy pármendi qadamdardyń biri»,- dedi ol.
Qatysýshylar azamattardy memlekettik basqarý úderisine belsendi tartý maqsatynda ákimderdi tikeleı saılaýdy engizý sharalary aıqyndalǵan jergilikti ózin-ózi basqarýdy damytýdyń 2025 jylǵa deıingi tujyrymdamasyn da talqylady.
Ualikhanov University prorektory, qoǵam qaıratkeri Ǵalym Baıtoqtyń pikirinshe, aýyl ákimderin tikeleı saılaý azamattardyń múddelerin sapaly júzege asyrýǵa baǵyttalǵan jáne kelesi qadam aýdan ákimderin saılaý múmkindigi bolýy tıis.
Óz kezeginde, saıasattanýshy Eldos Jumaǵulov Memleket basshysy Joldaýyndaǵy «Halyq únine qulaq asatyn memleket» tujyrymdamasyn nátıjeli júzege asyrý úshin memlekettik apparat azamattardyń múddesi úshin jumys isteý kerek degen sózderin eske saldy.
«Bul, eń aldymen, jergilikti bılikke qatysty. Óńir basshylyǵy jergilikti ekonomıkany damytýǵa, sonyń saldarynan turǵyndardyń ál-aýqatyn arttyrýǵa baǵyttalǵan jumys atqarý tıis», - dedi Eldos Jumaǵulov.
Otyrys barysynda Jambyl oblysy ákimi apparat basshysynyń orynbasary Nurlan Kúntýov, belgili sarapshylar Aıtbaı Jumaǵulov, Erlan Medeýbaev, Dına Aıkenova jáne t. b. sóz sóıledi.
Spıkerlerdiń sózin qorytyndylaı kele, QQDI tóraǵasy Asylbek Esenbaev Prezıdenttiń barlyq deńgeıdegi ákimderdiń jumysyn baǵalaý tetigin ońtaılandyrý úshin táýelsiz áleýmettik saýalnamalardy atap ótkenine nazar aýdardy. «QQDI-da óńirlik sýpervaızerler jelisimen kásibı áleýmettik qyzmeti bar jáne biz osyndaı zertteýler júrgizýge daıynbyz», — dedi Esenbaev.
«SARAP» klýbynyń otyrysynda sarapshylar Qazaqstannyń óńirlik saıasatyn jetildirýdiń basty aspektisi — turǵyndardyń ómir súrý sapasy men ál-aýqatyn arttyrý ekenin atap ótti.
