QK Qarý-jaraq Bas basqarmasynyń bastyǵy 11 jylǵa bas bostandyǵynan aıyrylady - Bas prokýratýra
ASTANA. 26 shilde. QazAqparat - Aǵymdaǵy jyldyń 23 shildesinde Qazaqstan Respýblıkasy Qarýly Kúshteriniń Qarý-jaraq Bas basqarmasynyń bastyǵy general-maıor A. Ásenov, sondaı-aq «Ýkrspetseksport» MK ókilderi O. Shkolıarenko jáne O. Hrýlovqa qatysty úkim jarııalandy. Bul týraly QR Bas prokýratýrasynyń baspasóz qyzmetinen habarlandy.
«A. Ásenov asa iri mólsherde para alǵany úshin (QR QK 311-babynyń 5-bóligi) 11 jylǵa qatań rejımdegi túzeý kolonııasynda jazasyn óteýge bas bostandyǵynan aıyrýǵa, O. Shkolıarenko jáne O. Hrýlov asa iri mólsherde para bergenderi úshin (QR QK 312-babynyń 5-bóligi) árqaısysy 6 jylǵa qatań rejımdegi túzeý kolonııasynda jazasyn óteýge bas bostandyǵynan aıyrýǵa sottalǵan. Sot úkimi zańdy kúshine engen joq. Úkimniń zańdylyǵy apellıatsııalyq merzimde tekseriletin bolady» delingen baspasóz baıanynda.
