Qyzmettik kólikpen 17 jastaǵy qyzdy Almatyǵa jetkizbek bolǵan polıtseıler jumystan qýyldy

QONAEV. KAZINFORM — Etıkalyq normany buzǵan polıtseıler qyzmetinen bosatyldy. Bul týraly Almaty oblysynyń Polıtsııa departamenti málimdedi.

Áleýmettik jelide polıtsııa qyzmetkerleriniń aıaldama kólikpen turyp, syrtta turǵan jas qyzben sóılesip turǵan beınejazbasy tarady. Vıdeo avtorynyń suraǵyna 17 jastaǵy qyz «Saıahatqa aparyp tastaımyz dedi» dep jaýap berdi.

Oblystyq polıtsııa departamenti atalǵan fakti boıynsha qyzmettik tekserý júrgizilgenin habarlady.

— Kásibı qyzmet barysynda olardyń tarapynan etıkalyq normalardyń buzylýy belgili boldy, bul polıtsııa qyzmetkerleri úshin múldem jol berilmeıtin áreket. Tekserý qorytyndysy boıynsha bir qyzmetker ishki ister organdarynan shyǵarylsa, ekinshisi atqaryp otyrǵan laýazymynan bosatyldy. Atalǵan qyzmetkerlerdiń basshylary tártiptik jaýapkershilikke tartyldy, — dep habarlady departamentten.

Eske salaıyq, buǵan deıin Almatyda polıtsııa atyn jamylyp, alaıaqtyq jasaǵan kúdiktiler ustalǵanyn jazǵanbyz.