Qyzmetker ústeme jumysqa shyqsa, qansha aqy alýy tıis
ASTANA. KAZINFORM – Qyzmetkerdi ústeme jumysqa tartýdyń zańda belgilengen tártibi bar. Bul týraly Astana qalasy boıynsha Memlekettik eńbek ınspektsııasy komıteti departamenti basshysynyń orynbasary Murat Shákenov aıtty.
Baspasóz konferentsııasynda spıker jumys ýaqytynan tys eńbekke tartý jáne oǵan aqy tóleý tártibine toqtaldy.
– Jumys berýshi qyzmetkerdi ústeme jumysqa onyń jazbasha kelisimi bolǵan jaǵdaıda tarta alady. Bul Qazaqstan Respýblıkasy Eńbek kodeksiniń 77-babynda kórsetilgen. Eńbek nemese ujymdyq shartta ózge talap kózdelmese, ústeme jumysqa aqy keminde bir jarym ese mólsherde tólenedi, - dedi Murat Shákenov.
Aıta keteıik, buǵan deıin jumys berýshi eńbek sharty jasalǵannan keıin onyń talaptaryn qyzmetkerdiń kelisiminsiz ózgerte almaıtyny, eńbek shartyna engiziletin ózgerister taraptardyń kelisimimen rásimdeletini jóninde jazdyq.
