Qyzymdy júkti bolǵany úshin óltirdi dep sanaımyn — Galına Legkodımova

ATYRAÝ. KAZINFORM — Qylmystyq ister jónindegi sotta jábirlenýshiniń anasy aıyptalýshynyń málimdemelerin joqqa shyǵaryp, basty sebep qyzynyń júkti bolýy múmkin degen senim ekenin aıtty.

Marqumnyń anasynyń aıtýynsha, qyzy sabyrly, tárbıeli bolǵan, ómirin oqýǵa jáne óz-ózin damytýǵa arnaǵan.

— Ol 23 jastaǵy qyz. Úıden shyqpaıtyn, tek oqıtyn, jumys isteıtin, ózin jetildirýge umtylatyn. Al endi ony ishimdikke, nashaqorlyqqa salynǵan, jeńil júristi etip kórsetýge tyrysyp otyr. Bul shyndyqqa múlde saı kelmeıdi, — dedi ol.

Galına Legkodımova sot zalynda aıyptalýshynyń alǵashqy kúnnen bastap shyndyqty jasyryp kele jatqanyn málimdedi.

— Ol nege bir ret te shyndyqty aıtpady? Sebebi onyń maqsaty — meniń balamdy qurtý boldy. Nelikten dál qazan aıynda? Sebebi men áli de qyzym júkti bolǵan dep oılaımyn. Sol úshin ol tez arada qyzymdy óltirýge sheshim qabyldady, — dedi jábirlenýshiniń anasy.

Buǵan deıin prokýror eki kúdiktini ómir boıyna sottaýdy suraǵan edi.