«Qyzyljar» - «Oqjetpes» matchy keıinge shegerildi
PETROPAVL. KAZINFORM – Qazaqstan Premer-lıgasynyń 23-týry aıasynda 22 tamyzda ótýi tıis «Oqjetpes» - «Qyzyljar» fýtbol komandalarynyń kezdesýi keıinge qaldyryldy.
Bul týraly «QYZYLJAR» fýtbol klýby áleýmettik jelidegi paraqshasynda habarlady.
Matchtyń shegerilýine 23 tamyzǵa josparlanǵan Quryltaı saılaýy sebep boldy. Týrızm jáne sport mınıstrligi Sport jáne dene shynyqtyrý isteri komıtetiniń 2026 jylǵy 28 shildedegi hatyna sáıkes, saılaý kúnine baılanysty osy kúnge josparlanǵan barlyq sporttyq jarystardy ótkizý keıinge shegerildi.
Osyǵan oraı Qazaqstan Premer-lıga klýbtary arasyndaǵy chempıonattyń 23-týrynyń barlyq matchtary da basqa kúnge aýystyrylady.
23-týr oıyndarynyń jańa ótkizý merzimi ázirge belgisiz. Bul týraly aqparat qosymsha jarııalanbaq.
Osyǵan deıin, Pavlodardyń «Arman» komandasy jaǵajaı fýtbolynan el chempıony atanǵanyn jazǵan edik.
