«Qyzyljar» fýtbol klýbynyń jańa bas bapkeri taǵaıyndaldy
ASTANA. KAZINFORM — Belarýstik Vıtalıı Jýkovskıı «Qyzyljar» fýtbol klýbynyń jańa bas bapkeri atandy.
Óz mansabynda ol fýtbolshy retinde óz eliniń BATE fýtbol klýbymen Belarýs kýbogyn jeńip, chempıonattyń kúmis júldegeri atanǵan.
Bapkerlik qyzmetinde «Isloch» komandasyn Joǵary lıgaǵa shyǵaryp, el tarıhyndaǵy eń jas bas bapker atandy. Ony qazaqstandyq jankúıerler «Atyraýmen» birge Qazaqstan kýbogynyń fınalyna deıin jetkenin jaqsy biledi.
Bas bapkermen birge komandaǵa jańa mamandar qosyldy. Olardyń qatarynda eoıyn júıesin qurýǵa bapkerdiń kómekshisi Pavel Plıýt, dene daıarlyǵyna jaýapty Andreı Mısıýk jáne bapker-analıtık Birjan Habıt bar.
Aıta ketsek, budan buryn petropavldyq klýbta bas bapker bolǵan serbııalyq Mılıch Chýrchıch qyzmetinen ketti. Ol 2025 jylydyń sáýir aıynda komanda tizginin qolǵa ustaǵan edi.
Qazir «Qyzyljar» 17 oıynnan keıin 15 upaı jınap, týrnır kestesinde 12-orynda keledi.
