Qyzylshanyń taralýy boıynsha jaǵdaı kúrdeli – mınıstrlik

Qyzylsha aýrýyna shaldyqqan qazaqstandyqtardyń deni vaktsına almaǵan. Bul týraly QR Densaýlyq saqtaý vıtse-mınıstri Aıjan Esmagambetova málim etti, dep habarlaıdy Kazinform. 

«Elimizde qyzylshanyń taralýy boıynsha jaǵdaı kúrdeli. Jyl basynan beri 11 057 derek tirkeldi. Onyń ishinde qyzylsha juqtyrǵandar 83%-y 14 jasqa deıingi balalar, 2,7% jasóspirimder jáne 13,8% eresekter. Qyzylsha aýrýy barlyq óńirde tirkeldi. Atap aıtqanda Almaty qalasynda – 2031 jaǵdaı, Shymkent qalasynda – 2026 jaǵdaı, Jambyl oblysynda 392 jaǵdaı jáne Almaty oblysynda – 1111 jaǵdaı», - dedi Aıjan Esamaǵambetov Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, qyzylsha juqtyrǵandardyń deni vaktsına almaǵan.

«Bul rette, 60%-da balalar egýden bas tartýǵa baılanysty, 18,3%-da – medıtsınalyq qarsy kórsetilim boıynsha, 21%-da egý jasyna jetpeýine baılanysty egilmegen. Aýrýdyń aldyn alýdyń birden-bir sharasy vaktsınatsııa bolyp tabylatynyn eskere otyryp, qyzylshanyń odan ári taralýyn boldyrmaý úshin balalardy 6 aıdan bastap, sondaı-aq 2 jastan 5 jasqa deıingi balalardy jáne medıtsına qyzmetkerlerin qosymsha vaktsınatsııalaýdy engizý josparlanyp otyr», - deıdi ol.