Qyzylshamen kúres: Túrkistan oblysyna Úndistanda jasalǵan 14 700 doza vaktsına jetkizildi
Túrkistan oblysyna Úndistanda óndirilgen 14 700 doza vaktsına jetkizildi, dep habarlaıdy Kazinform.
Qazirgi tańda oblysta qyzylsha aýrýshańdyǵy boıynsha epıdemıologııalyq jaǵdaı kúrdeli. Jyl basynan beri 1874 oshaqtan 2010 kúdikti jaǵdaı tirkelip, onyń 682-si zerthanalyq tekserýmen dáleldenip otyr. Sondaı-aq, 59 oqýshy men 58 balabaqsha tárbıelenýshisi ınfektsııa juqtyrǵany anyqtalǵan.
«Zerdeleý jumystarynyń nátıjesi bir úıden birneshe balanyń qyzylsha juqtyrý faktisi tirkelgenin kórsetip otyr. Sondyqtan aýyrǵan naýqasty oqshaýlap, jeke bas gıgıenasynyń saqtalýyn qatań qadaǵalaý qajet. Túrkistan oblysyna Úndistanda óndirilgen 14 700 doza vaktsına keldi. Búgingi tańda ekpeler barlyq emdeý mekemelerine jetkizildi. Jalpy óńirde 12038 bala qyzylshaǵa qarsy qosymsha ekpe aldy. Bul vaktsına alýǵa tıisti balalardyń 6,5 paıyzy»-dedi, Túrkistan oblysynyń Sanıtarlyq epıdemıologııalyq baqylaý departamentiniń basshysy N. Nyshanov.
