Qyzylshaǵa qarsy vaktsınany ádeıi salǵyzbaı otyrǵan ata-analar qatary kóp – Úkimet basshysy

Elimizde ata-analardyń kóbi balalaryna qyzylsha aýrýyna qarsy vaktsınany salǵyzbaı otyr. Bul týraly Úkimet otyrysynda aıtyldy, dep habarlaıdy Kazinform. 

«Ókinishke qaraı, ata-analardyń arasynda balalaryna ekpeni ádeıi salǵyzbaı, bas tartyp otyrǵandardyń qatary az emes. Munyń sońy aýyr zardaptarǵa alyp kelýi múmkin. Sondyqtan, jaǵdaıdy turaqtandyrýdyń jalǵyz joly – ekpe salý», - Álıhan Smaıylov Úkimet otyrysynda.

Premer-Mınıstrdiń málimetinshe Úkimet ótken jyly qyrkúıekte rezervten 3 mlrd teńgeden astam qarajat bólgen.

«Alaıda kórip otyrǵanymyzdaı, keıbir óńirlerde qyzylshaǵa qarsy ımmýnızatsııamen qamtý deńgeıi áli de tómen», - deıdi ol.