Qyzylsha juqtyrý 11 paıyzǵa azaıdy – Ajar Ǵınııat

ASTANA. KAZINFORM – Densaýlyq saqtaý mınıstri Ajar Ǵınııat eldegi epıdahýaldyń jaqsaryp kele jatqanyn aıtty.

«Aýrý juqtyrý kórsetkishi 11 paıyzǵa azaıdy. 10 óńirde keıingi úsh apta boıy kórstkish tómendep jatyr. 7 óńirde ahýaldyń turaqtanǵanyn kórip otyrmyz. Aýrý juqtyrý kórsetkishi bir deńgeıde tur», -dedi ol Májilis otyrysynan keıin BAQ ókilderine bergen suhbatynda.

Onyń sózinshe, úsh óńirde ósý baıqalyp otyr.

«Bul Aqtóbe, Atyraý jáne Qaraǵandy oblystary. Dál osy óńirlerde qosymsha vaktsınalaý júrip jatyr. Bul óńirlerde halyqtyń vaktsınamen qamtylý kólemi respýblıkalyq kórsetkishten tómen», - dedi mınıstr.