Qyzylsha órship tur: Qyrǵyzstanda jyl basynan beri toǵyz bala qaıtys boldy
BІShKEK. KAZINFORM – Qyrǵyzstanda 2025 jyldyń basynan beri qyzylshanyń asqynýynan toǵyz bala qaıtys boldy. Bul aqparatty Densaýlyq saqtaý mınıstrligi rastady, dep 24.kg jazdy.
Agenttik ókilderiniń aıtýynsha, naýqastardyń ekpe statýsy ártúrli bolǵan. Keıbir adamdar áli vaktsınatsııa jasyna tolmaǵan, al keıbireýleri vaktsınany bir ret qana alǵan.
Respýblıkalyq ımmýnoprofılaktıka ortalyǵynyń málimetinshe, 2025 jylǵy 8 sáýirdegi jaǵdaı boıynsha respýblıkada qyzylshamen aýyrǵan 5168 jaǵdaı tirkeldi, onyń jartysynan kóbi Bishkekte.
Sarapshylar 4886 naýqas (nemese 95 paıyz) ekpe almaǵanyn, onyń ishinde jasyna (31 paıyz), ekpeden bas tartýǵa (44 paıyz), kóshi-qonǵa (1 paıyz), medıtsınalyq jeńildikterge (9 paıyz) baılanysty ekpe almaǵanyn atap ótti. Qalǵan 9 paıyz jaǵdaıda patsıentterdiń vaktsınatsııa statýsy belgisiz. Olardyń 282-si (shamamen 5 paıyz) MMR vaktsınasynyń bir nemese eki dozasyn alǵan.
Respýblıkalyq ımmýnoprofılaktıka ortalyǵy jańartylǵan statıstıkany keıinirek berýge ýáde berdi.
Al, Qazaqstanda qyzylsha aýrýynyń taralýy azaıǵan.