Qyzylsha órshidi: Nıý-Iork shtatynda tótenshe jaǵdaı jarııalandy
ASTANA. KAZINFORM — Nıý-Iork shtatynyń gýbernatory Ketı Hokýl qyzylsha aýrýynyń taralýyna baılanysty tótenshe jaǵdaı jarııalady. 2026 jyldyń basynan beri shtatta qyzylshanyń 108 jaǵdaıy tirkelgen.
TASS agenttiginiń habarlaýynsha, Nıý-Iork bıligi qyzylshaǵa qarsy vaktsına salatyn jáne tıisti medıtsınalyq taldaýlar júrgizetin qosymsha medıtsına qyzmetkerlerin jumysqa tartýdy josparlap otyr. 2026 jyly shtatta qyzylshanyń 108 jaǵdaıy anyqtalǵan, onyń jeteýi Nıý-Iork qalasynda tirkelgen. Shilde aıynyń ortasynan beri shtat bıligi aýyldyq aýdandarda 1 myńnan astam vaktsına dozasyn qoldanǵan.
— Gýbernator Ketı Hokýl 5 qazanda shtattyń aýyldyq aýdandarynda, sondaı-aq kórshiles shtattarda qyzylsha juqtyrý jaǵdaılarynyń kóbeıýine baılanysty tótenshe jaǵdaı engizý týraly jarlyqqa qol qoıdy, — delingen gýbernatordyń saıtyndaǵy habarlamada.
AQSh-ta qyzylsha juqtyrý jaǵdaılary sońǵy 35 jyldaǵy eń joǵary deńgeıge jetti. Djons Hopkıns ýnıversıtetiniń sońǵy deregine sáıkes, jyl basynan beri elde 4 020 jaǵdaı tirkelgen. Dárigerler aýrýdyń órshýine halyq arasynda vaktsınatsııa deńgeıiniń tómendeýin sebep retinde atap otyr.
Aıta keteıik, Bangladeshte qyzylsha indeti órship, myńǵa jýyq bala qaıtys boldy.
