Qyzylsha vırýsy: Astana aýrýhanalary aýzy-murnyna deıin toldy

Elordada qyzylsha aýrýy órship barady. Naýqastardyń kópshiligi – vaktsına almaǵan balalar. Degenmen naýqastar arasynda eresekter de bar, dep habarlaıdy Kazinform Astana ákimdiginiń resmı saıtyna silteme jasap. 

Qazirgi ýaqytta balalar juqpaly aýrýlar statsıonary 111% artyq júktelgen.

№ 3 kópsalaly qalalyq balalar aýrýhanasynda bary — 300 tósek-oryn.

Alaıda qyzylshamen keletinderdiń kóbeıýine baılanysty qýaty 557-ge jáne taǵy 20 reanımatsııalyq tósekke deıin ulǵaıdy.

«Kóp ata-analar áli kúnge deıin qyzylshanyń qanshalyqty qaýipti ekenin túsinbeıdi. Keıbir jeke senimi boıynsha olar vaktsınadan bas tartady. Senimsiz faktilerge súıenedi. Biraq aýrý basqa aýrýlardyń asqynýyna aparady. Bolashaqta naýqas balada qyzylshadan mıdyń isinýi, ókpeniń abstsessi sııaqty aýyr zardaptarǵa, sańyraý bolyp qalýǵa ákelýi múmkin», — deıdi № 6 ınfektsııa bóliminiń meńgerýshisi Gúlmıra Nurtazına.

Aýrýhananyń málimetinshe, qyzylshamen reanımatsııada jatqan balalardyń bári jeldetkishke jalǵanǵan.

«Qazir aýrýhanaǵa jatqyzylǵan balalardyń 96% — vaktsına almaǵan. Onyń báriniń jaǵdaıy aýyr. Qyzylshamen 6 naýqas reanımatsııada jatyr.
Tórteýi aýyr, ekeýi óte aýyr jaǵdaıda. Qazir bul balalardyń ata-anasy dabyl qaǵyp, úreılenip, balalary úshin alańdap otyr. Olar muny balalarynyń jaǵdaıy aýyr bolǵan kezde ǵana túsingeni óte ókinishti», — dep atap ótti № 3 aýrýhananyń reanımatsııa bóliminiń meńgerýshisi Ekaterına Býlatova.

Dárigerlerdiń aıtýynsha, negizinen 14 jasqa deıingi balalar aýyrady.

Sondaı-aq, eresekter arasynda qyzylshaǵa qarsy eshqashan vaktsına almaǵan nemese vaktsınatsııa kúntizbesine sáıkes revaktsınatsııalanbaǵan adamdar da kezdesedi.

Dárigerler eger buryn qyzylsha aýrýy negizinen bir jastan asqan bolsa, qazir naýqastardyń arasynda 5-6 aılyq balalar bar ekenin aıtady.

Qyzylsha — vaktsına arqyly aldyn alatyn vırýs. Balanyń densaýlyǵy men ómirin vaktsınatsııa arqyly saqtaýǵa bolady.