«Qyzylsaı» tabıǵı parkindegi jabaıy janýarlar men qustardyń qys mezgilindegi tirshiligi kósetildi
AQTAÝ. KAZINFORM — Mańǵystaýda «Qyzylsaı» memlekettik óńirlik tabıǵı parki» kommýnaldyq memlekettik mekemesi ańdar men qustardyń qys mezgilindegi tirshiligin kórsetti.
Park qyzmetkerleri qys mezgilinde jabaıy janýarlar men qustardyń jaı-kúıi týraly aqparatty erekshe qorǵalatyn tabıǵı aýmaqtarda ornatylǵan fototuzaqtar arqyly alady. Fototuzaqtar janýarlar men qustardyń qozǵalysy men minez-qulqyn olardyń tabıǵı meken etý ortasyna zııan keltirmeı, táýlik boıy tirkeýge múmkindik beredi.
Qys mezgilinde mundaı baqylaýlar erekshe mańyzdy, óıtkeni olar janýarlar men qustardyń qatal aýa raıy jaǵdaılaryna beıimdelýin, sondaı-aq olardyń sany men belsendiligin baǵalaýǵa múmkindik beredi.
Alynǵan beınejazbalar «Qyzylsaı» parkiniń janýarlar dúnıesi turaqty jaǵdaıda ekenin kórsetedi. Sýyq mezgilde de belsendi tirshilik etip júrgen sútqorektiler men qustardyń túr-túri tirkelgen.
Park ákimshiligi fototuzaqtar arqyly júrgiziletin monıtorıng bıoalýantúrlilikti qorǵaýdyń jáne sırek kezdesetin jabaıy janýarlardy saqtaý úshin ýaqtyly sharalar qabyldaýdyń tıimdi quraly ekenin aıtady.
Buǵan deıin, Atyraý men Mańǵystaýdyń 1,5 mln halqyna jer astynan aýyzsý tartatyn qubyr salynatyny týraly jazǵan bolatynbyz.