Qyzylordanyń Qazaly aýdanynda zańsyz aktıv esebinen salynǵan sý júıesi iske qosyldy
ASTANA. KAZINFORM — Qyzylorda oblysynyń Qazaly aýdanyna qarasty Sháken aýylynda turǵyndardy taza aýyz sýmen qamtamasyz etýge arnalǵan jańa sý jelisiniń saltanatty túrde iske qosylý rásimi ótti. Bul týraly oblystyq prokýratýra habarlady.
Áleýmettik nysan prokýratýra organdarymen memleketke qaıtarylǵan qarajat esebinen salyndy.
Saltanatty sharaǵa oblystyq máslıhat tóraǵasy M. Tleýmbetov, oblys ákiminiń orynbasary Q. Nurtaı, aýdan ákimi A. Esmahanov, aýdan prokýrory D. Ábish jáne qoǵam ókilderi qatysty.
Vedomstvo málim etkendeı, endi Sháken aýylyndaǵy 76 úıdiń turǵyndary ortalyqtandyrylǵan aýyz sýmen tolyq qamtamasyz etildi.
— Bul nysannyń paıdalanýǵa berilýi turǵyndardyń ómir súrý sapasyn jaqsartyp, tasymaldanatyn sýǵa degen qajettilikti joıdy. Sháken aýylyndaǵy sý júıesiniń ashylýy memleketke qaıtarylǵan aktıvterdiń ómirlik mańyzy bar áleýmettik jobalardy qarjylandyrý úshin tıimdi jáne maqsatty paıdalanylyp jatqanyn kórsetedi. Jalpy, Qyzylorda oblysynda 29 joba júzege asyrylyp jatyr, — delingen habarlamada.
Buǵan deıin Aqtóbede zańsyz aktıv esebinen salynǵan dárigerlik ambýlatorııa paıdalanýǵa berilgenin jazdyq.
