Qyzylordanyń fýtbol ortalyǵyn kim basqaratyny belgili boldy
QYZYLORDA. KAZINFORM — Bilikti bapker Sultan Ábildaev búginnen bastap Qyzylordadaǵy «Qaısar» fýtbol ortalyǵynyń jetekshisi qyzmetine kiristi.
«Qaısar» fýtbol klýbynyń baspasóz qyzmeti habarlaǵandaı, ol buǵan deıin balalar fýtbolyn damytý maqsatynda tájirıbe jınaqtaǵan maman retinde tanymal.
— Sonymen qatar «Qaısar» fýtbol klýbynyń bas bapkeri qyzmetin atqarǵan. PRO sanatyndaǵy jattyqtyrýshy. Sultan Toqataıulyna fýtbol ortalyǵynyń jumysyn júıeli damytý, jas fýtbolshylardy tárbıeleý, rezerv daıyndaý isin jańa deńgeıge kóterý sııaqty tapsyrmalar júkteldi, — delingen habarlamada.
Osy kúni sonymen qatar fýtbol ortalyǵynyń úılestirýshisi qyzmetine Medet Dúzbaev taǵaıyndaldy.
Eske salaıyq, búgin «Qaısar» fýtbol klýbynyń basqarýshy dırektory bolyp Baqytjan Pazylhaıyr taǵaıyndaldy.
