Qyzylordanyń fýtbol klýby bas bapkersiz qaldy
QYZYLORDA. KAZINFORM — Búgin Qyzylorda oblysy «Qaısar» fýtbol klýbynyń bas bapkeri Andreı Ferapontov óz ótinishi negizinde qyzmetinen ketti. Bul týraly klýbtyń baspasóz qyzmeti habarlady.
Ol jergilikti fýtbol klýbyn 2025 jyldyń qarashasynan bastap jattyqtyrýǵa kirisken bolatyn.
Andreı Ferapontov buryn bas bapker laýazymyn «Maqtaaral» fýtbol klýbynda bastap, «Oqjetpes» komandasynda jalǵastyrǵan.
«Aqtóbe», «Ordabasy», «Qaırat», belarýstik «Rýh» komandalarynyń bapkerlik shtabynda qyzmet atqarǵan.
Aqparatqa sáıkes ol keshe óz alańynda kókshetaýlyq «Oqjetpesten» jeńilgennen keıin qyzmetinen ketý týraly ótinish bergen.
Eske salaıyq, «Qaısardyń» qarqynyna kóńili tolmaǵan jankúıerler buǵan deıin odan ornyn bosatýdy talap etti. Klýbtyń bas bapkeri aýysýy múmkin ekeni týraly aqparat respýblıkalyq BAQ-ta jarııalanyp, klýbtyń baspasóz qyzmeti eshbir bapkermen kelissóz júrgizilip jatpaǵanyn málimdedi.
