Qyzylordanyń energetıkalyq áleýetin paıdalanýǵa shetel ınvestorlary qyzyǵyp otyr
QYZYLORDA. KAZINFORM – Qyzylorda oblysynda jasyl energetıkanyń áleýeti áli tolyq ıgerilmeı otyr.
Oblystyq kásipkerlik jáne ónerkásip basqarmasynyń málimetinshe, qazirgi kúni 500 megavatqa deıin elektr energııasyn qabyldaýǵa qabiletti daıyn energetıkalyq ınfraqurylym bar.
– Oblys aýmaǵynda jalpy qýattylyǵy 130 megavat 11 kún elektr stantsııasy jumys isteıdi. Onyń ishinde 4 iri stantsııa sheteldik ınvestorlardyń qatysýymen salynǵan. Sonyń biri – «Hýadıan» kompanııasymen birlesip júzege asyrylǵan «Tesıs» seriktestiginiń qýattylyǵy 40 megavatt kún elektr stantsııasy. Jobanyń jalpy quny – 11,5 mlrd teńge. Memlekettik qoldaý sharasy retinde 80 gektar jer telimi berilip, stantsııa jergilikti turǵyndar úshin 10 jańa jumys ornyn ashty. Aldaǵy ýaqytta qýattylyǵy 260,5 megavattan astam 6 kún jáne 2 jel elektr stantsııasy iske qosylady, – delingen habarlamada.
Aıta keteıik, buǵan deıin Jambyl oblysynyń Moıynqum aýdanynda aýqymdy joba – qýaty 1 GVt bolatyn jáne energııany jınaqtaý júıesimen biriktirilgen «Mırnyı» jel elektr stantsııasynyń qurylysy bastalǵan bolatyn.
