Qyzylordalyqtar sý tasqyny bolǵan aýmaqtarǵa gýmanıtarlyq kómek jiberip jatyr

ASTANA. KAZINFORM – Qyzylorda oblysy sý tasqynynan zardap shekken Aqtóbe óńirine 25 kólik gýmanıtarlyq kómek jiberdi. Bul týraly oblystyń «Volonterler front-ofısiniń» jetekshisi Bolatbek Aıtbenbetov aıtty. 

«Sý tasqyny bastalǵaly Volonterler front-ofısi qalada, aýdandarda gýmanıtarlyq kómek pýnkterin ashyp, Aqtóbe óńirine 25 júk kóligimen gýmanıtarlyq kómek jiberdi. Sondaı-aq «Torǵaı-Petrolıým» AQ qoldaýymen de 10 júk kóligine tıelgen gýmanıtarlyq kómek Aqtóbe, Qostanaı, Batys jáne Soltústik Qazaqstan oblystaryna jóneltildi», - dedi spıker Respýblıkalyq aqparattyq shtabta ótken brıfıngide. 

Qazirgi tańda gýmanıtarlyq kómek jınaý pýnkteri jumysyn jalǵastyryp jatyr. 

Qyzylorda qalasynda «Taǵzym» alańynda arnaıy júk kóligi tur. Onda belsendi jastar, eriktiler halyq ákelgen gýmanıtarlyq kómekti jınap, suryptap, birden kólikterge tıep jatyr.