Qyzylordalyqtar referendýmda qalaı daýys beredi

QYZYLORDA. KAZINFORM – 15 naýryzǵa belgilengen respýblıkalyq referendýmda azamattardyń daýys berýine yńǵaıly bolý úshin Qyzylorda oblysynyń ákimdigi arnaıy platformalardy iske qosty.

Oblystyq referendým komıssııasynyń málimetinshe, turǵyndar https:referendum.orda.gov.kz saıty arqyly daýys bere alady.

«Azamattar saıtqa kirip, JSN nómirin terý arqyly óz ýchaskesin ońaı taba alady.
Onda ýchaskelik referendým komıssııasynyń meken-jaıy, baılanys derekteri jáne komıssııa músheleriniń quramy jazylǵan. ıAndeks kartada ýchaskege baratyn joldyń syzbasy kórsetilgen. Bul azamattar úshin óte qoljetimdi ári ońaı servıs bolmaq. «Smart Qyzylorda» mobıldi qosymshasynda jáne Telegram jelisinde https://t.me/referendumKzo_bot arnaıy bot jumys isteıdi. Munda da árbir daýys berýshi azamat JSN terý arqyly qajetti aqparatpen tanysa alady», delingen habarlamada.

Saıası naýqan kezinde jergilikti turǵyndar 109 nómirli biryńǵaı baılanys qyzmetiniń kómegine júginýge quqyly. Dıspetcherler turǵyndardyń saýalyna jaýap berip, ýchaskelerdiń meken-jaıy týraly aqparat beredi. Daýys berý kúni Qyzylorda qalasynda 5 ýchaskede onlaın servıs ashylady. Tizimde joq azamattar sonda baryp tirkelse bolady.

Eske salsaq, 15 naýryzda Qyzylorda oblysynda 378 referendým ýchaskesi jumys isteıdi.