Qyzylordalyq jas hımık Mendeleev halyqaralyq olımpıadasynyń altyn medalin jeńip aldy
ASTANA. KAZINFORM – Qyzylorda oblystyq Seıilbek Shaýhamanov atyndaǵy №9 daryndy balalarǵa arnalǵan oblystyq «Bilim-ınnovatsııa» lıtseı-ınternatynyń 11-synyp oqýshysy Aren Teńizbaev Reseı Federatsııasynyń Máskeý qalasynda ótken 60-shy halyqaralyq Mendeleev olımpıadasynda altyn medal ıegeri atandy. Bul týraly Oqý-aǵartý mınıstrligi habarlady.
Hımııadan álemdegi eń bedeldi olımpıadalardyń biri sanalatyn International Mendeleev Chemistry Olympiad baıqaýyna 37 elden, atap aıtqanda Qazaqstan, Saýd Arabııasy, Shrı-Lanka, Soltústik Makedonııa, Izraıl, Túrkııa, Ázerbaıjan, Iordanııa, Kosta-Rıka, Taıland, Egıpet, Ózbekstan, Kýba, Chad Respýblıkasy, Mońǵolııa, Túrikmenstan, Brazılııa, Armenııa, Tájikstan, Kamerýn, Bangladesh, Vetnam, Botsvana, Nıgerııa, Belarýs jáne Qytaı elderinen 200-ge jýyq mektep oqýshysy qatysty.
Qazaqstan quramasy saıysta 1 altyn, 4 kúmis jáne 5 qola medal jeńip aldy.
Altyn medal:
Teńizbaev Aren - Qyzylorda oblystyq Seıilbek Shaýhamanov atyndaǵy №9 daryndy balalarǵa arnalǵan oblystyq «Bilim-ınnovatsııa» lıtseı-ınternatynyń 11-synyp oqýshysy.
Kúmis medal:
Jaqsylyqov Ansar - Astana qalasy Spectrum International School mektebiniń 11-synyp oqýshysy;
Jeńishanova Aızere - Óskemen qalasyndaǵy jaratylystaný-matematıka baǵytyndaǵy Nazarbaev Zııatkerlik mektebiniń 11-synyp oqýshysy;
Qaldybaı Meńdiǵalı - Astana qalasy Spectrum International School mektebiniń 11-synyp oqýshysy;
Seıitqazıev Nurseıt - Daryndy jasóspirimderge arnalǵan Aqtóbe oblystyq mamandandyrylǵan «Bilim-ınnovatsııa» lıtseı-ınternatynyń 10-synyp oqýshysy;
Qola medal:
Poletaev Danıl - Almaty qalasyndaǵy №134 lıtseıiniń 11-synyp oqýshysy;
Qalı Ábilmansur - Astana-Nura fızıka-matematıka baǵytyndaǵy Nazarbaev Zııatkerlik mektebi;
Aıtjanov Alıdar - Qaraǵandy qalasyndaǵy jaratylystaný-matematıka baǵytyndaǵy Nazarbaev Zııatkerlik mektebiniń 11-synyp oqýshysy;
Ibraımov Abdıjan - Astana qalasyndaǵy halyqaralyq NURORDA mektep-lıtseıiniń 10-synyp oqýshysy;
Mahmýtov Mansýr - Almaty qalasyndaǵy «Mıras» halyqaralyq mektebiniń 12-synyp oqýshysy.
Júldegerlerdi daıyndaǵan jetekshiler - PhD, Qazaq ulttyq ýnıversıtetiniń aǵa oqytýshysy Baqytjan Eldana jáne «Qazaq-nemis turaqty ınjenerııa ınstıtýty» mekemesiniń 2-kýrs stýdenti Sársenbaı Aıdos.
Aıta keteıik, ótken jyly Qazaqstan quramasy 11 oqýshydan quralǵan bolatyn. Olar 7 kúmis jáne 4 qola medal jeńip alǵan edi.
Almatylyq oqýshy BUU shtab-páterinde álemniń úzdik 3 jas ınnovatorynyń qataryna engenin jazǵan bolatynbyz.
