Qyzylordalyq túlek UBT-dan 140 ball jınady
QYZYLORDA. KAZINFORM – Qyzylorda oblysynyń Shıeli aýdanyndaǵy ShoqanÝálıhanov atyndaǵy №127 orta mektep-lıtseıdiń bitirýshi túlekteri, egiz qyzdar Káýsar jáne Gaýhar Altynsary UBT-da joǵary nátıje kórsetip, aımaq mereıin ústem etti.
Egizderdiń biri Káýsar 140 ball, al Gaýhar 139 ball jınady.
- Olar aǵylshyn tili men dúnıejúzi tarıhy pánderin tańdaǵan. Sonymen qatar IELTS halyqaralyq emtıhanynan 7.5 ball jınap, halyqaralyq sertıfıkat ıegeri atandy. Bul jetistik – tabandylyqtyń, tynymsyz eńbektiń jáne bilimge degen qushtarlyqtyń jemisi, - dep habarlady oblystyq bilim basqarmasynyń baspasóz qyzmeti.
Buǵan deıin Túrkistan qalasyndaǵy jekemenshik mektepterdiń birinde oqıtyn 11 synyp oqýshylary Aısultan Jańbyrbaı men Jasýr Nyshanbaev Ulttyq biryńǵaı testileýden eń joǵary nátıje — 140 upaı jınady.
