Qyzylordalyq toǵyzqumalaqshy álem chempıony atandy
QYZYLORDA. KAZINFORM — 21-27 qyrkúıek aralyǵynda Rýmynııanyń Býharest qalasynda toǵyzqumalaqtan kezekti VIII álem chempıonaty ótti.
Dúbirli dodaǵa álemniń 14 elinen 80-ge jýyq úzdik sportshy qatysyp, baq synady. Ulttyq qurama sapynda óner kórsetken qyzylordalyq, halyqaralyq dárejedegi sport sheberi Ermuhamed Áláıdar aıryqsha nátıje kórsetti.
— Ol toǵyzqumalaqtyń blıts túrinen altyn júlde ıelenip, álem chempıony atandy. Al rapıd túrinen kúmis júldeni qanjyǵasyna baılady. Sportshyny Qazaqstan Respýblıkasynyń eńbek sińirgen sport sheberi Hakimjan Eleýsinov jattyqtyrdy, — dep habarlady oblystyq dene shynyqtyrý jáne sport basqarmasy.
Álem chempıonatyna Qazaqstan, Qyrǵyzstan, Ózbekstan, Túrikmenstan, Túrkııa, Rýmynııa, Slovenııa, Ispanııa, Chehııa, Ýkraına, Majarstan, AQSh, Meksıka jáne Ońtústik Koreıa elderiniń ókilderi qatysty.
Buǵan deıin Qazaqstan toǵyzqumalaq pen manǵaladan Kóshpendiler oıyndarynda alty altyn medal jeńip aldy.
