Qyzylordalyq prokýrorlar 13 myńnan astam adamnyń konstıtýtsııalyq quqyǵyn qalpyna keltirdi

QYZYLORDA. KAZINFORM —  Qyzylorda oblysynda jyl basynan beri 200 myńnan astam adamnyń quqyǵy qorǵaldy. Bul — oblystyq prokýratýranyń jumysynyń nátıjesi.

Onyń ishinde 13 myńnan astam adamnyń konstıtýtsııalyq quqyqtary qalpyna keltirildi. Zańǵa qaıshy áreket etken 2400-ge tarta adam tártiptik jáne ákimshilik jaýapqa tartyldy.

— Qylmystyq qýdalaý organdarynyń azamattardyń konstıtýtsııalyq quqyqtaryna tikeleı áser etetin 112 sheshimimen kelisýden jáne ony bekitýden bas tarttyq. Ýaqytsha ustaý abaqtysyna oqshaýlandyrylǵan 33 adam prokýror qaýlysymen bosatyldy. Qylmystyq qýdalaý organdarynyń 345 qyzmetkeri tártiptik jaýapkershilikke tartyldy. 84 qylmystyq is aqtaý negizinde toqtatyldy, — delingen oblystyq prokýratýra habarlamasynda. 

Eske salsaq, Qyzylorda oblysynda bıyl 9 aıda prokýrorlardyń yqpalymen 3 myńnan astam kásipkerdiń quqyǵy qorǵaldy.