Qyzylordalyq polıtseıler turǵyn úıden 6 mln teńgeni urlap ketken kúdiktini ustady
QYZYLORDA. KAZINFORM - Qyzylorda oblysynda polıtseıler turǵyn úıden 6 mıllıon teńgeni urlaǵan kúdiktini qolǵa túsirdi.
Qyzylorda oblysy Jalaǵash aýdanynyń turǵyny úıinde urlyq bolǵany jóninde habarlaǵan. Tekserý barysynda úı ıeleri bolmaǵan ýaqytta belgisiz adam jábirlenýshiniń úıiniń jatyn bólmesine terezeni buzý arqyly kirip, 6 mln teńgeniń aqshasyn urlaǵany anyqtaldy.
- Jedel-izdestirý jumystarynyń nátıjesinde polıtseıler Túrkistan oblysynda qonaqúıde jasyrynyp jatqan 34 jastaǵy kúdiktini qolǵa tústirdi. Zattaı dáleldemeler tárkilendi. Urlanǵan aqsha jábirlenýshige qaıtaryldy. Kúdiktige qatysty sot sanktsııasymen 2 aı merzimge kúzetpen ustaý bultartpaý sharasy qoldanyldy, - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylordada zańsyz oıyn bıznesin uıymdastyrǵandar sottalǵanyn jazǵan edik.