Qyzylordalyq polıtseıler esirtki ósiretin fıtozerthana jumysyn toqtatty

QYZYLORDA. KAZINFORM - Qyzylorda oblysynda polıtsııa esirtki ósiretin fıtozerthananyń jumysyn toqtatty.

QR Іshki ister mınıstrliginiń esirtki qylmysyna qarsy is-qımyl bólinisi prokýratýranyń úılestirýimen Qyzylorda oblysynda jedel-izdestirý is-sharalarynyń nátıjesinde 40 jastaǵy er adamdy ustady. 

- Cyrdarııa aýdanynyń turǵyny óziniń úıinde asa iri mólsherde esirtki zatyn saqtaǵan. Qarasora ósirýmen aınalysyp, keıin ony taratýdy kózdegen. Tintý barysynda ydystarǵa otyrǵyzylǵan 86 túp qarasora, esirtki zatyn ósirýge arnalǵan jabdyqtar, sondaı-aq eki dana plastıkalyq ydysqa salynǵan keptirilgen marıhýana tárkilendi. Ol jalpy 2,7 keli keptirilgen marıhýana jáne 10 keli qarasora ósimdigi anyqtaldy. Kúdikti ustaldy. Oǵan qatysty qylmystyq is qozǵaldy. Tergeý jalǵasyp jatyr, - dep málim etti Qyzylorda oblystyq Polıtsııa departamentinen.

Qyzylordada kópqabatty úıdiń balkonynan er adam sekirip ketti