Qyzylordalyq polıtseıler er adamdy sýıtsıdten qutqardy

QYZYLORDA. KAZINFORM - Qyzylordada patrýldik polıtsııa qyzmetkerleri er adamdy sýıtsıdten qutqardy.

Búgin 102 kezekshi pýltine saǵat 15:30 shamasynda Qyzylorda qalasyndaǵy turǵyn úıdiń birinde er adam óz-ózine qol jumsaýy múmkin degen shaqyrtý tústi.

Patrýldik polıtsııa qyzmetkerleri Aıdarhan Kenjebekuly jáne Shyńǵys Jalǵasbaı oqıǵa ornyna barǵanda úı aýlasynda er adamnyń aǵash baspaldaqqa asylyp turǵanyn kóredi.

- Dereý er adamdy qutqarýǵa áreket jasadyq. Osylaısha ony ólimnen arashalap qaldyq. Ol kisi jedel járdem mamandaryna tapsyryldy, - dedi patrýldik polıtsııa qyzmetkeri Aıdarhan Kenjebekuly.

Eske salsaq, budan buryn Ulttyq ulanynyń ofıtseri Qyzylordadaǵy kóp qabatty úılerdiń birinde órttiń aldyn aldy.