Qyzylordalyq polıtseı halyqaralyq týrnırde top jardy
QYZYLORDA. KAZINFORM — Ázerbaıjan Respýblıkasynyń Baký qalasynda ótip jatqan karateden «Grand Prix Azerbaijan» halyqaralyq týrnırinde syrboıylyq tártip saqshysy top jardy.
Qyzylorda oblystyq polıtsııa departamentiniń jyldam qımyldaıtyn arnaıy jasaq ınspektory, polıtsııa aǵa leıtenanty Qabylanbek Kemelbek halyqaralyq jarysta joǵary nátıje kórsetti.
— Sporttyq doda «Serhedchı» sport ortalyǵynda uıymdastyryldy. Oǵan 15 memleketten 700-ge jýyq sportshy qatysty. Tartysty básekede Qabylanbek Kemelbek 75 kg salmaq dárejesinde óner kórsetip, qarsylastarynan basym tústi. Júldeli І oryndy ıelendi, — delingen departament habarlamasynda.
Buǵan deıin habarlaǵanymyzdaı, Taıland astanasy Bangkokta ótip jatqan para paýerlıftıngten Azııa jáne Muhıt aralyq chempıonatta qyzylordalyq Snejanna Boıko 45 keli salmaq dárejesinde óner kórsetip, el mereıin ústem etti.
