Qyzylordalyq polıtseı eki jasóspirimdi órtten aman alyp qaldy
ASTANA. KAZINFORM — Saǵat shamamen 10:30–da Qyzylorda qalasyndaǵy turǵyn úılerdiń birinde órt shyqty, dep habarlaıdy ІІM baspasóz qyzmeti.
Jalyn tórtinshi qabattaǵy páterdiń balkonynan taraǵan. Jaǵdaı kúrdeli edi. Sol mańnan ótip bara jatqan polıtsııa qyzmetkeri Nurjan Naǵashybaı dereý jaǵdaıdy baǵalap, esh oılanbastan órt oshaǵyna qaraı bet aldy.
Tótenshe qyzmetterdiń kelýin kútpeı-aq ol tútinge toly páterge kirip, órtti sóndirýge kiristi.
— Páter ishinde uıyqtap jatqan eki bala bolǵan. Polıtseı olardy oıatyp, qaýipti aımaqtan alyp shyǵyp, tilsiz jaýdan aman alyp qaldy. Onyń batyl ári janqııarlyq áreketteriniń arqasynda qaıǵyly jaǵdaıdyń aldy alynyp, balalar qutqaryldy, — delingen habarlamada.
Keıin oqıǵa ornyna qosymsha kúshter men tótenshe qyzmetter kelip, jaǵdaı tolyq baqylaýǵa alyndy.
Osyǵan deıin Astanada kópqabatty turǵyn úıden órt shyǵyp, úsh bala qaza tapqanyn jazǵanbyz.
