Qyzylordalyq ónertapqysh órttiń aldyn alatyn aqparattyq júıe jasady
QYZYLORDA. KAZINFORM - Qyzylordalyq jas ónertapqysh Juldyzaı Muńaıtbasova «Zhalyn» órtti aldyn alý aqparattyq júıesin jasap shyqty. Bul júıe iri órtterdi boldyrmaýǵa baǵyttalǵan.
Aqparattyq júıe halyqtyń orman órti týraly habardar bolýyna arnalǵan ekologııalyq joba retinde baǵalanyp otyr. Maqsaty - elimizdegi orman órtteriniń joıqyn áserin barynsha azaıtý.
Juldyzaı Muńaıtbasova Qyzylorda qalasyndaǵy Nazarbaev Zııatkerlik mektebinde 11-synypta oqıdy.
«Bul keshendi júıe eń aldymen sezgish quraldar arqyly sala mamandaryna orman jaǵdaıy, aýmaǵy, qaı aımaqta bolyp jatqany týraly aqparat beredi. Sodan keıin mamandar sol aımaqqa baryp orman deńgeıin anyqtaı alady. Sondaı-aq, radıo tolqyndar ınternetke retranslıator arqyly aınalyp, jergilikti halyqqa aqparatty platforma jáne server arqyly jiberedi. Osylaısha barlyq adam alǵashqy satyda órtti anyqtap, jumyla jumys jasaýyna múmkindigi bar. Ol ekonomıkalyq, áleýmettik shyǵyndy azaıtady. Artyqshylyǵy - bul órtti alǵashqy satyda anyqtaıtyn júıe. Júıe anyqtaýǵa, aldyn alýǵa, jumys jasaýǵa jol ashady. Naqty iske asyrý úshin bizge qazirgi tańda seriktestik qajet. Úkimet, tótenshe jaǵdaılar mınıstrliginen qoldaý jasalsa degen usynym bar. Sodan keıin jobany naryqqa shyǵaryp, iske asyrýǵa bolady», - deıdi Juldyzaı Muńaıtbasova.
Órt týraly aqparat bárine ashyq bolady. Aqparat mınıstrlik pen qarapaıym adamǵa qoljetimdi.
Ótken jyly jazda Abaı oblysynda iri órt boldy. Órt aýmaǵy bir kúnniń ishinde 100 gektarǵa deıin sozyldy. Sol ýaqytta biz elimizde áli de sheshilmegen osyndaı másele bar ekenin anyqtadyq. Aldaǵy ýaqytta seriktestik jáne jobamyzǵa ınvestıtsııa izdeımiz. Keleshekte jobamyzǵa taǵy da bir júıe qosylady. Ol órtti ǵaryshtan baqylaýǵa jáne ormanshynyń qaýipsizdigin qamtamasyz etýge arnalady», - dedi jas ónerptapqysh.
Eske salsaq, qyzylordalyq ustaz Muhtar Talǵatulynyń mektep oqýshylary men muǵalimderge arnap jasaǵan matematıkalyq saıty kópshilik arasynda úlken suranysqa ıe bolyp otyr.
