Qyzylordalyq oqýshy jasandy ıntellektini qazaqsha sóıletti

QYZYLORDA. KAZINFORM - Qyzylordalyq 16 jasar Asyljan Abdýllaev jasandy ıntellektini qazaqsha sóıletti.

Jas ónertapqysh jańashyl jobasyna QazaqGPT dep at qoıdy.

Atalǵan joba OAI arhıtektýrasy negizinde jasalǵan.

Buıryq berseńiz sýret salady, dybystama jasaıdy jáne kez kelgen mátindi jazyp, esep shyǵarady.

Onyń jobasy amerıkandyq prototıpterden qaraǵanda aýqymdyraq.

Qazirdiń ózinde 2000-nan asa adam paıdalanyp kórgen.

«Arnaıy qosymshany naýryz aıyna deıin iske asyramyz. Sebebi serverler joǵalyp ketpeıdi. Amerıkada ótetin baıqaýǵa ótinim jiberdik. Іrikteý synynan ótip, jartylaı fınalǵa joldama aldyq», — deıdi ol.

Jas ónertapqysh bul beleske birden jetken joq. Nurlan Qulmyrza, Sábıt Ibadýlla, Temirlan Ábjanov sekildi ustazdarynan keńes aldy.

Sondaı-aq, Hackathon, Innofest baıqaýyna qatysyp, ózin dáleldep, Astana IT ýnıversıtetiniń bilim grantyn utyp aldy.

Halyqaralyq Enactus uıymynyń bazasyna baryp, amerıkandyq sarapshylar aldynda jobasyn sátti qorǵap shyqqan.