Qyzylordalyq muǵalimder Túrkııanyń túngi klýbynda saýyq qurǵany úshin jumystan shyǵarylǵan joq

ASTANA. KAZINFORM – Qyzylorda oblystyq bilim basqarmasy 2 muǵalimniń jumystan shyǵarylýynyń basty sebebin atady.

Bilim salasynda sapany qamtamasyz etý komıtetiniń tóraǵasy Ernur Dáýenov Feısbýktegi paraqshasynda túngi klýbta júrgenin áleýmettik jelide jarııalaǵan eki muǵalim jumystan bosatylǵanyn jazǵan edi. 

«Qysqy demalys ýaqytynda Túrkııanyń túngi klýbtarynyń birinde qydyryp júrgen Qyzylorda oblysynyń eki muǵaliminiń áleýmettik jelilerdegi jarııalanymdary ata-analar qaýymynyń narazylyǵyn týdyrdy. Pedagogter jumystan bosatyldy», - degen bolatyn ol.

Al oblystyq bilim basqarmasy atalǵan ustazdardyń ózderi aryz jazyp, jumystan shyqqanyn alǵa tartady.

«Basqarmaǵa qarasty Qyzylorda oblysy, Qarmaqshy aýdanyndaǵy №250 mektep-lıtseıinde jumys istegen muǵalimder aqysyz demalys alǵan kúnderinen bólek, 2-5 jumys kúnderi aralyqtarynda belgisiz sebeptermen, eskertýsiz jumystan qalǵan. Sol sebepti QR Eńbek kodeksiniń 49-baby, 5-tarmaǵyna sáıkes, óz aryzdarymen jumystan bosatylǵandyǵyn jetkizemiz», - dedi vedomstvodan.