Qyzylordalyq qutqarýshylar 90 jastaǵy qarııaǵa kómek kórsetti

ASTANA. KAZINFORM — TJM baspasóz qyzmeti qyzylordalyq qutqarýshylardyń 90 jastaǵy qarııaǵa kómek kórsetkenin jazdy.

- Qyzylorda qalasynyń úıleriniń birinde 1935 jyly týǵan qart áje esikti asha almaı, páterdiń ishine qulap qalǵan.

TJM jedel-qutqarý jasaǵynyń qutqarýshylary satynyń kómegimen ekinshi qabattyń páterine terezesi arqyly kirip, edende jatqan áıeldi tapty. Oǵan kómek kórsetilip, týystaryna tapsyrdy, - delingen vedomstvo dereginde.

Bas qutqarýshy Abaı Kenestiń aıtýynsha, 9 jyldyq eńbek ótiliniń ishinde mundaı jaǵdaılar jıi kezdesedi. Sondyqtan egde adamdar men balalardy 1 mınýtqa da qaraýsyz qaldyrýǵa bolmaıdy.

Aıta keteıik, buǵan deıin Mańǵystaý oblysynda TJM qutqarýshylary 29 júk kóligin qar qursaýynan alyp shyqqan bolatyn.